26 ноября для студентов 4 курса факультета энергетики и электрификации Ижевской ГСХА был организован ознакомительный урок в рамках акции "Ӟечбуресь!" Удмуртский для всех!».

Провела его активист Удмуртской молодёжной общественной организации "Шунды" Виолетта Анисимова, которая рассказала студентам о Всемирном дне удмуртского языка, особенностях речи и провела игру «Вожодыр».


 Удмурт кылэн тодматон урок ортчиз Ижкарысь гурт возёсъя кун академиын

27-тӥ шуркынмонэ Удмурт кыллэсь нуналзэ пусъён улсын Удмуртиысь Калыкъёслэн эшъяськон юртсы удмурт кылэз тодматонлы сӥзем «Джечь буречь!» или «Ӟечбуресь!» Удмуртский для всех!» урокъёс ортчытыны кичӧлтӥз. Нырысетӥез туннэ, 26-тӥ шуркынмонэ, Ижкарысь гурт возёсъя кун академиын ортчиз. Ужрадэ ивортодэтъя «Удмуртия» агентстволэн корреспондентэз но вуылӥз.

 

Удмурт кылэн тодматон урок Ижысь гурт возёсъя академиын


Тодматскон уроке академиысь дыкужымлыкъя но электрификацияя факультетын 4-тӥ курсын дышетскисьёс люкаськизы. Пӧлазы удмуртъёс но, ӟучъёс но, ӟучомем удмуртъёс но вал
Эшъёсыныз ӵош аспӧртэм уроке Алнаш ёросысь Кузёбай гуртысь Андрей Кузьмин но пыриськиз. Ӵош дышетскисьёсызлы удмурт кылэн ӧжыт ке но тодматскыны луонлык кылдэм пумысен шумпотэмзэ вераз.

Адямиос вунэтыны кутско удмурт кылэз. Соослы тодазы вайыны кулэ ук

Андрей Кузьмин, Ижкарысь гурт возёсъя кун академиын дышетскись

Урокез «Шунды» огазеяськонлэн ёзчиез Виолетта Анисимова нуиз. Со егитъёсты удмурт кыллэн аспӧртэмлыкеныз тодматӥз, удмурт букваосты веран бордын ужаз. Озьы ик «Вожодыр» шудон ортчытӥз.

Удмурт кыллы сӥзем нунал сояз арын гинэ пыртэмын ай. Сояз арысен пусйиське 27-тӥ шуркынмонэ. Со сётоз бадӟым пайда, <...> адямиос тодозы удмурт кыллэн нуналэз вань шуыса, данъяськозы, со нуналэз мукет аръёсы, оло, тоже кызьы ке пусъёзы

Виолетта Анисимова, удмурт кылэн тодматон урокез нуись

Удмурт кылэн но шудонэн тодматскон Ижысь гурт возёсъя академиын (10 фото)

Ватсалом, Ижкарысь гурт возёсъя кун академиын сяна, удмурт кылын тодматскон урокъёс Калыкъёслэн эшъяськон юртазы, Ижкарысь эм кун академиын, Пётр Блинов нимо лыдӟетъюртын ортчозы. Озьы ик бадӟым площадкаос Глазкарысь 45 номеро нылпи садын, Шарканысь но Алнашысь шоръёзо школаосын луозы.

Тодэ вайытом, та нуналъёсы Удмуртиын, Россиысь мукет каръёсын но кунгож сьӧрын удмурт кыллы сӥзем трос гинэ ужрадъёс ортчо.

Источник ИА «Удмуртия» https://udmurt.media/udm/news/obrazovanie-i-nauka/70969/